Það voru ung hjón sem komu á skrifstofu Íslenskrar getspár með vinningsmiða uppá tæpar 16 milljónir. Þau voru svo heppin að vera með 5 réttar tölur og bónustölu eða hinn al íslenska bónusvinning í Víkingalottóinu sl. miðvikudag. Hjónin eru bæði í námi og eiga eitt barn og annað á leiðinni. Fjölskyldufaðirinn hafði ekki hugsað sér að lotta að þessu sinni en ákvað svo að kaupa einn 10 raða sjálfvalsmiða þar sem að fólkið á undan honum í röðinni á N1 við Gagnveg var að kaupa sér miða. Hann bað svo konuna sína að lesa upp fyrir sig vinnings tölurnar seinna um kvöldið og trúði vart sínum eigin eyrum þegar hann bar þær saman við miðann sinn. Þau eru að sjálfsögðu í skýjunum með vinninginn sérstaklega eftir að hafa gengið í gegnum fjárhagslega erfiðleika undanfarið.

Íslensk getspá óskar vinningshöfunum innilega til hamingju.